चंपारण सत्याग्रह ज्या ठिकाणी त्यांनी सुरू केला होता त्या ठिकाणाजवळ स्थापित केलेल्या महात्मा गांधींच्या पुतळ्याची काही बदमाशांनी तोडफोड केली, असे प्रशासनाने मंगळवारी सांगितले.
दरम्यान, पोलिसांनी सांगितले की, अमली पदार्थांचे व्यसन असलेल्या काही हल्लेखोरांनी पुतळ्याची तोडफोड केली. वरिष्ठ पोलिस अधिकारी कुमार आशिष म्हणाले, “काही प्रत्यक्षदर्शींनी पोलिसांना जबाब दिला आहे. आरोपींना पकडण्यासाठी पोलिसांचे पथक तयार करण्यात आले आहे. येथे एक होमगार्ड तैनात करण्यात आला आहे,” असे वरिष्ठ पोलिस अधिकारी कुमार आशिष यांनी सांगितले. एएनआय या वृत्तसंस्थेने हे वृत्त दिले आहे. पूर्व चंपारणचे जिल्हा दंडाधिकारी शिरशत कपिल अशोक यांनी सांगितले की, हा पुतळा पॉवर ग्रिड कॉर्पोरेशनने सीएसआर उपक्रमांतर्गत बसवला आहे. कपिल अशोक यांनी एएनआय या वृत्तसंस्थेला सांगितले की, “ही जागा अधिकृतपणे प्रशासनाकडे सोपवण्यात आली नसल्यामुळे, त्यांनी येथे योग्य सुरक्षा व्यवस्था का केली नाही, हे आम्ही त्यांना विचारू.” “पोलिस त्यांचा तपास करत आहेत आणि तोडफोडीच्या कृत्यात सामील असलेल्यांना कायद्यानुसार कारवाईला सामोरे जावे लागेल,” डीएम म्हणाले.
