अभिनेता सलमान खान याने आजवर कॉमेडी, ड्रामा, अॅक्शन अशा सर्वच चित्रपटांत काम केले आहे. परंतु ३२ वर्षांच्या करिअरमध्ये त्याने एकाही बायोपिकमध्ये काम केलेले नाही. लवकरच सलमान बायोपिकमध्ये झळकणार असल्याची चर्चा आहे. प्रसिद्ध गुप्तहेर रवींद्र कौशिक यांच्या जीवनावर आधारीत हा चित्रपट असणार आहे. हा चित्रपट अजून सुरुवातीच्या टप्प्यात आहे.
पिंकविलाने दिलेल्या वृत्तानुसार हा एक अॅक्शन थ्रिलर चित्रपट असणार आहे. ब्लॅक टायगर म्हणून ओळखल्या जाणाऱया जासूस रवींद्र कौशिक याच्या जीवनप्रवासावर चित्रपटाची निर्मिती होत आहे. राजकुमार गुप्ता या चित्रपटाचे दिग्दर्शन करणार आहेत. गेल्या पाच वर्षांपासून ते त्यांच्या जीवनावर संशोधन करत आहेत.
