मुंबई | निरिमन पाॅईंट येथील मनोरा आमदार निवासातील छत कोसळल्याचा धक्कादायक घटना समोर आली आहे. आमदार सतीश पाटील यांच्या खोलीतील सिलींगचं छत कोसळले. सुदैवाने छत कोसळले त्यावेळी खोलीमध्ये कोणीच नव्हतं त्यामुळे मोठी घटना टळली. रुम उघडल्यानंतर हा प्रकार समोर आला. मात्र, २० वर्षांपूर्वी बांधण्यात आलेल्या या इमारतीचा दर्जा अत्यंत खराब असल्याचा अहवाल इमारतीच्या स्ट्रक्चरल ऑडिटमध्ये देण्यात आला होता. दरम्यान, या इमारती पाडून इथं नवीन आमदार निवास बांधण्यात येणार आहे.
