नागपूर | तेलंगणा राज्यात बंजारा समाजाच्या व्यक्तीवर झालेल्या भ्याड हल्ल्यात ७ व्यक्ती मृत्यूमुखी तर शेकडो लोकं जखमी झाले आहेत. या हल्ल्याचा बंजारा समाजाचे नेते माजी खासदार विद्यमान आमदार हरिभाऊ राठोड यांनी तीव्र शब्दात निषेध केला आहे.
हरिभाऊ राठोड यांनी यासंदर्भात लवकरात लवकर चौकशी होवून संबंधित व्यक्तींना न्याय मिळावे यासाठी केंद्रीय गृह राज्यमंत्री हंसराज अहिर आणि तेलंगणा राज्याचे मुख्यमंत्री के चंद्रशेखर राव यांना निवेदन दिले आहे. “बंजारा समाजातील लोकांवर भ्याड हल्ला करणा-या लोकांवर त्वरीत कारवाई करावी अन्यथा देशात तमाम बंजारा समाज रस्त्यावर उतरेल.” असे राठोड यावेळी म्हणाले.
