मुंबई | महानायक अमिताभ बच्चन, अभिनेता शाहरुख, रणबीर कपूर, अक्षयकुमार, यांच्या सह बॉलिवूड मधील तारे तारकांच्या मांदियाळीत आणि मुख्यमंत्री देवेंद्र फडणवीस यांच्या विशेष उपस्थितीत काल रात्री झालेल्या मुंबई पोलिसांच्या ‘उमंग २०१८’ या सांस्कृतिक कार्यक्रमाने बीकेसी च्या मैदानावर पोलीस कुटुंबियांचा आनंद द्विगुणित केला.
मुंबई पोलीस दलाच्या वतीने आयोजित उमंग २०१८ कार्यक्रमाला मुख्यमंत्री श्री.फडणवीस, त्यांच्या सुविद्य पत्नी अमृता फडणवीस, गृह राज्यमंत्री (ग्रामीण) दीपक केसरकर, पोलीस आयुक्त दत्ता पडसलगीकर, चित्रपट सृष्टीतील ज्येष्ठ अभिनेते प्रेम चोप्रा, दिग्दर्शक रमेश सिप्पी, जितेंद्र, श्रीदेवी, बोनी कपूर, अनिल कपूर, अर्जुन कपूर, अनुष्का शर्मा, जॉनी लिव्हर, अभिनेत्री कंगना राणावत, हेमामालिनी, दीपिका पदुकोण, रोहित शेट्टी, श्रेयस तळपदे यांच्यासह बॉलिवूड मधील तारे, तारका यांनी उपस्थिती लावली होती.
