अहिल्याबाई होळकर यांची जयंती साजरी

नवी दिल्ली | पुण्यश्लोक अहिल्यादेवी होळकर यांची २९३ वी जयंती आज महाराष्ट्र सदन व महाराष्ट्र परिचय केंद्रात साजरी करण्यात आली. महाराष्ट्र सदनातील सभागृहात आयोजित कार्यक्रमात अपर निवासी आयुक्त समीर सहाय यांनी तर महाराष्ट्र परिचय केंद्रात उपसंचालक दयानंद कांबळे यांनी अहिल्यादेवी होळकर यांच्या प्रतिमेस पुष्पहार अर्पण करून अभिवादन केले. यावेळी कार्यालयात उपस्थित अभ्यागत व कर्मचा-यांनीही प्रतिमेस पुष्प अर्पण करून अभिवादन केले.