नेटवर्क ऑफ महाराष्ट्र बाय पीपल लिव्हिंग विथ एचआयव्ही या संस्थेअंतर्गत ‘विहान – काळजी आणि आधार’ हा प्रकल्प एचआयव्हीसह जीवन जगणाऱ्या बांधवांसाठी कार्यरत आहे. वायसीएम विहान पुणे सीएससी क्र. ३, पिंपरी चिंचवड या एकट्या सीएससीमध्ये वायसीएम, औंध आणि बारामती या तीन एआरटी सेंटरचे मिळून जवळपास ८००० क्लाएन्ट्स रजिस्टर आहेत. प्रत्येक महिन्याला ८००० च्या मागे एआरटीच्या गोळ्या न खाल्यामुळे मृत्यू येणाऱ्या क्लाएन्ट्सचा मृत्यूदर सरासरी १५ ते २० इतका आहे. प्रत्येक महिन्याला ७० ते १०० क्लाएन्ट्स नवीन रजिस्टर होतात. अशी माहिती विहान पुणे सीएससी ३, पिंपरी चिंचवडचे प्रकल्प समन्वयक प्रकाश मानव आणि समुपदेशक आशा घोडके यांनी दिली.
अशा परिस्थितीत क्लाएन्ट्स एआरटी सेंटर गोळ्या घ्यायला जात असताना पोलीस मार देतील या भीतीने सीएससीचे ५०% पर्यंत क्लाएन्ट्स औषधं मिस करायला लागले होते. त्यामुळे कोविड १९ च्या काळात एलएफयु आणि डेथरेट वाढेल, अशी साहजिक भीती राष्ट्रीय एड्स नियंत्रण संस्था आणि महाराष्ट्र राज्य एड्स नियंत्रण संस्था या सर्वांनाच होती. परंतु विहानच्या सर्व सेवकांनी रात्रीचे दिवस करत क्लाएन्ट्सच्या अडचणी कशा सोडवता येतील यासाठी प्रयत्न केले. येत्या पुढील काळात लॉकडाऊन कधीपर्यंत वाढेल हे निश्चित नाही परंतु आमचे हे योद्धे अशाच उर्मीने लढत राहतील असंही प्रकल्प समन्वयक यांनी सांगितलं आहे.
टीम NMP+, NACO, MSACS, DAPCU, ARTC, LAC, ICTC आणि विहान यांनी वैद्यकीय अधिकारी आणि प्रशासनाची मदत घेत आरोग्य यंत्रणेमार्फत औषधं अत्यंत गरजू क्लाएन्ट्सपर्यंत घरपोच पोहोचवण्यासाठी शर्थीने प्रयत्न करत केले आणि क्लाएन्ट्सच्या औषधपुरवठ्यासाठी अहोरात्र झटत हे युद्ध लढले.
या लढ्यात, पुण्यातील विहान सीएससीने एनएमपी प्लस जनरल सेक्रेटरी मनोज परदेशी, प्रोजेक्ट डायरेक्टर विनोद जांभळे, प्रोग्राम ऑफिसर विजय भेंडे, एम अँड ई श्रीनाथ बेदरकर, डीपीओ प्रसाद सोनवणे तसेच वायसीएम, औंध आणि बारामती हॉस्पिटल येथील एआरटीसी कर्मचारी यांनी समन्वय ठेवून ही कामगिरी अतिशय उल्लेखनीय प्रकारे पार पाडली.
