कडुलिंब ही औषधी वनस्पती अनेक प्रकारच्या भयंकर आजारांवर एक रामबाण उपाय आहे. कडुलिंब खूप औषधी आहे . त्याच्या वापराने असंख्य फायदे होतात. कोणत्याही रोगाविना चांगलं निरोगी आयुष्य जगायचं असेल तर कडुलिंबाचा वापर करावा.
कडुलिंबाचे औषधी उपयोग-
१) खरुजेच्या फोडामधून अधिक प्रमाणात पू बाहेर येत असेल तर कडूलिंबाची साल जाळून त्याची राख त्या ठिकाणी लावावी.
पू तयार होणे थांबते.
२) कडुलिंबाची पाने रोज सकाळी चावून खाल्यास कालांतराने कोणत्याही विषाचा शरीरावर परिणाम होत नाही असे म्हणतात.
३) पित्त पाडण्यासाठी पाणी घालून कडुलिंबाच्या पानांचा रस काढा. हा रस पोटभर प्यावा. उलटी होऊन पित्त पडते.
४) गरमीवर कडुलिंबाच्या पानांचा रस खडीसाखर टाकून सकाळ-संध्याकाळ घ्यावा. कसलीही गरमी असली तरी ७ दिवसात बरी होते.
५) खरजेवर कडुलिंबाच्या बिया वाटून लावल्याने खरूज बरी होते.
६) कडुलिंबाच्या बिया वाटून डोक्याला लावल्यावर उवा मरतात.
७) कावीळ रोगावर कडुलिंबाच्या अंतर सालीचा कपभर रस काढून त्यांत मध व थोडे सुंठीचे चूर्ण घालून द्यावे. ७ दिवसात कावीळ जातो.
८) मूळव्याध, कृमी व प्रमेह यांवर कडुलिंबाची कोवळी फळे खावी.
९) कडुलिंबाच्या लिंबाचा मगज काढून वातीस लावा, तिळाचे तेलाचा दिवा लावून काजळ करावे. या काजळाने नेत्रांस तेज येतो.
१०) पापण्यांचे केस गळत असल्यास कडुलिंबाची पाने चुरून पापण्यांस चोळावी.
