कोरोना टाळण्यासाठी मास्क घालणे खूप महत्वाचे आहे, परंतु तुम्हाला मास्कबाबत सावधगिरी बाळगणे देखील खूप आवश्यक आहे. अन्यथा, आपल्याला त्वचेच्या ॲलर्जी आणि संसर्गाचा धोका वाढतो.कोरोनाचा कहर अजून संपलेला नाही. पण लोक पुन्हा बेफिकीर होऊ लागले आहेत. कोरोनाच्या तिसऱ्या लाटेत लोकांना अधिक सतर्क राहण्याची गरज आहे. देशात डेल्टा प्रकारांची प्रकरणे झपाट्याने वाढत आहेत. अशा परिस्थितीत लोकांना सतत मास्क घालण्याचे आवाहन केले जात आहे. सेंटर फॉर डिसीज कंट्रोल अँड प्रिवेंशन (CDC) चे तज्ञ म्हणतात की कोविड टाळण्यासाठी मास्क हे फक्त तात्पुरते उपाय आहेत. यासाठी तुम्हाला लस तसेच इतर अनेक गोष्टींची काळजी घेणे आवश्यक आहे.
मास्कची ॲलर्जी :
१) सतत मास्क घातल्याने अनेकांना वेगवेगळ्या प्रकारच्या त्वचेच्या ॲलर्जी होऊ लागल्या आहेत.
२)लोकांना सर्वात जास्त मास्क घातलेल्या ठिकाणी मुरुमांसारख्या समस्येचा सामना करावा लागत आहे.
३) मास्क घातल्यामुळे अनेकांना सतत घाम येतो आणि त्या मास्कच्या ठिकाणी लालसरपणाची समस्या येते.
४) काही लोकांना खूप काळ मास्क घातल्याने खाज आणि लालसरपणाची समस्या येत आहे.
५)बराच वेळ मास्क घातल्याने संसर्गाचा धोका वाढतो.
६)अशा परिस्थितीत कोरोना विषाणू तुमच्या मास्कवर बसू शकतो.
७)जेव्हा तुम्ही तोच मास्क न धुता पुन्हा वापरता, तेव्हा त्यामुळे संसर्ग होऊ शकतो.
८) एक्सपर्ट्सने चिंता व्यक्त केली आहे की घाणेरडा मास्क घातल्याने तुम्हाला काळ्या बुरशीचा धोका देखील होऊ शकतो.
९)आपण सर्जिकल मास्क वापरल्यास ते चांगले होईल. एकदा वापरल्यानंतर ते फेकून द्या.
१०)जर तुमची त्वचा संवेदनशील असेल तर तुम्ही कापड मास्क देखील लावू शकता. कापडी मास्क एकदा घातल्यानंतर धुवा.
